CMT Nsimbo yakagua Ujenzi Hospitali ya Halmashauri ya Wilaya,Yashauri kasi ya Ujenzi iongezeke.

Imewekwa: November 4th, 2021

Pichani:Mkurugenzi Mtendaji wa Halmashauri ya Wilaya ya Nsimbo Bw.Mohamed Ramadhani akishauri jambo mbele ya Kamati Tendaji  ya Halmashauri  na Mafundi wazawa wanaoendelea na awamu ya pili ya Ujenzi katika Hospitali ya Halmashauri ya Wilaya ya Nsimbo.

Na: John Mganga-IO

Mkurugenzi Mtendaji wa Halmashauri ya Wilaya ya Nsimbo Bw.Mohamed Ramadhani 3 Novemba 2021 akiambatana na Kamati Shauri  ya Halmashauri(CMT)wamefanya Ukaguzi kwa lengo la kujionea hali ya  Ujenzi wa awamu ya pili ya  Hospitali ya Halmashauri unaondelea katika eneo la Isinde.

Katika Ukaguzi huo Mkurugenzi Mtendaji pamoja na Kamati tendaji wamekagua Ujenzi wa Jengo la Utawala la Hospitali ya Halmashauri,Jengo la Wazazi la Hospitali ya Halmashauri,Jengo la kufulia,pamoja na Ujenzi wa Bohari ya Dawa.

Kamati tendaji ya Halmashauri wameshauri mafundi wazawa kuongeza kasi ili kukamilika kwa wakati kwa majengo hayo pamoja na kuzingatia Ubora unaotakiwa.