“MADAKTARI WA SAMIA” WATUA NSIMBO, MKURUGENZI AWAKARIBISHA WANANCHI KUCHUNGUZA AFYA ZAO

Imewekwa: September 27th, 2025

Mkurugenzi Mtendaji wa Halmashauri ya Wilaya Nsimbo Bi. Christina Daniel Bunini anawakaribisha Wananchi wote wa Nsimbo katika Hospitali ya Wilaya ya Nsimbo kwa ajili uchunguzi wa afya zao na kupata huduma za matibabu ya magonjwa mbalimbali.

Zoezi hilo litafanyika kwa muda wa siku 5, kuanzia Septemba 29, 2025 hadi Oktoba 3, 2025 katika Hospitali ya Wilaya ya Nsimbo.

Katika zoezi hilo kutakuwa na Timu ya Madaktari saba (7) wabobevu;

(1) Daktari bingwa wa Magonjwa ya Wanawake na Ukunga

(2) Daktari bingwa wa Magonjwa ya Watoto na watoto Wachanga

(3) Daktari bingwa wa Upasuaji

(4) Daktari bingwa wa usingizi

(5) Daktari bingwa wa Magonjwa ya ndani

(6) Daktari bingwa wa Magonjwa ya kinywa na meno

(7) Mkunga mbobezi

Gharama za huduma katika zoezi hili zitakuwa nafuu, na vilevile Kadi za bima za NHIF zitatumika kwa wale watakaokuwa nazo. Wananchi wote wa Wilaya ya Nsimbo wanasisitizwa kuitumia vyema fursa hii.

Aidha zoezi hilo pia linatarajiwa kuendeshwa katika Halmashauri zote za Mkoa wa Katavi ikiwemo Mpanda Manispaa, Mlele, Mpimbwe na Tanganyika.