Mwenyekiti Nsimbo awataka Watendaji kukamilisha Malengo kuelekea Mwishoni mwa Mwaka wa Fedha

Imewekwa: April 21st, 2022

Nsimbo-Mtapenda

Mwenyekiti wa Halmashauri ya Wilaya ya Nsimbo Mhe. Halawa Charles Malendeja amewataka Watendaji wa Halmashauri ya Wilaya ya Nsimbo  kuhakikisha  wanatimiza malengo  ya Mwaka yaliwekwa katika kipindi cha kuelekea Mwishoni mwa mwaka wa Fedha 2021/2022.

Mh.Halawa ametoa rai hiyo wakati wa ufunguzi wa Mkutano wa Baraza la Madiwani  unaoketi kujadili taarifa za robo ya tatu ya Mwaka wa fedha 2021/2022 ulioanza kufanyika katika ukumbi wa mikutano wa Halmashauri ya Wilaya ya Nsimbo.

Aidha Mh Halawa amewataka watendaji wa Halmsahauri Nsimbo kuhakikisha kuwa wanajizatiti katika ukusanyaji wa mapato ili kufikia na ikiwezekana kuvuka malengo ya ukusanyaji Halmsahauri iliyojiwekea.

Amewahimiza kuhakikisha kuwa miradi yote ya maendeleo iliyopangwa kutekelezwa kwa Mwaka wa fedha 2021/2022 yanakamilika kama ilivyopangwa.

Mkutano huo wa Baraza la madiwani utamalizika 22 Aprili 2022 ambapo kwa siku ya leo 21 Aprili 2022 Taarifa za Utekelezaji za Kata kutoka Kata 12 za Halmashauri ya Wilaya ya Nsimbo zimewasilishwa na kujadiliwa.