BARAZA LA MADIWANI NSIMBO LARIDHISHWA NA MIRADI YA MAENDELEO

Imewekwa: April 30th, 2025

Madiwani wa Halmashauri ya Wilaya ya Nsimbo wamepongeza kasi ya utekelezaji wa miradi ya maendeleo, wakionesha kuridhika na matokeo chanya. Walisisitiza umuhimu wa Wakala wa Barabara Vijijini na Mijini (TARURA) kuongeza uwazi na kusikiliza maoni ya wananchi.

Kikao hicho kilifanyika katika ukumbi wa Shule ya Sekondari Nsimbo, na kilihusisha uwasilishaji wa taarifa kutoka kwa kamati za kudumu, ambapo majibu ya kina yalitolewa ili kuwezesha uwazi na ufanisi katika maendeleo.

Mkurugenzi Mtendaji wa Halmashauri, Bi. Christina Daniel Bunini, alitoa shukrani kwa madiwani kwa usimamizi wao wa miradi na aliahidi kutekeleza maazimio yote kwa kushirikiana na watendaji wa halmashauri. Alimshukuru Rais wa Serikali ya Awamu ya Sita kwa kuendelea kutoa fedha za maendeleo zinazosaidia kupunguza changamoto kwa wananchi.